意外後昏迷、失智、甚至幾乎失去行為能力嘅話，親人可唔可以代為提出索償？

如果不幸遇上交通意外令傷者受重創，導致精神上無行為能力，例如昏迷、失去正常智力又或者認知障礙等，令傷者以及佢嘅家人頓失收入支柱，身陷經濟困難，由於傷者自己無辦法親身追討賠償，佢嘅家人就可以向法庭申請成為「起訴監護人」，代傷者追討賠償。

「起訴監護人」一般係傷者嘅親人或者照顧傷者嘅人士，佢需要向法庭提供證據，證明傷者係「精神行為無能力的人士」（簡稱MIP），而呢種申請並唔簡單，建議聘用專業律師，或者申請法律援助，確保申請可以盡快批准。

「起訴監護人」可以為傷者代聘律師，並且為傷者追討賠償。當律師同被告人（或被告人嘅保險公司）達成和解協議，同意賠償嘅金額，仍然需要經法庭批准先可以作實，原因係法庭需要肯定傷者嘅利益得到全面保障。

律師會為原告人呈上法律意見書以及案例俾法庭去考慮和解金額係咪合理，以保障傷者同埋佢嘅受養人嘅利益。例如傷者嘅家庭將如何維持生計同埋傷者日後嘅需要及需求等等。如果和解金額獲批准，該筆金額會存係法庭並根據法庭嘅指示處理，而處理金額嘅方案會因應唔同案件嘅情況而有所唔同。

由於賠償金額以及金額支出方案會經最終法庭考慮同批核，所以，傷者嘅利益亦會得以保障同埋能夠確保和解金額可以妥善使用。

如果想知道更多自己嘅權益同更多索償細節，歡迎聯絡我地以便提供更詳細嘅法律意見。

免費諮詢熱線☎️ : 6821 1136

最新文章