搜尋
乜嘢係「車手獎」？
- kiorayan
- 2024年8月27日
- 讀畢需時 2 分鐘
成日聽人講「車手獎」，其實究竟乜嘢係「車手獎」？
其實「車手獎」係由香港政府社會福利署所設立嘅交通意外傷亡援助計劃，一般俗稱「車手獎」，係以「不論過失」嘅去基礎發放。咁「不論過失」又係咩嚟呢？「不論過失」意指無論交通意外係咪由於自己嘅過失所造成，你都可以申請「車手獎」，而社署亦唔會作出任何經濟審查，只要你符合相關嘅條件就可以申請：
1. 交通意外後有向警方報案；
2. 受害人喺意外發生嘅時候，係合法留喺香港；
3. 受害人因為交通意外而死亡或受傷，並獲得註冊中/西醫病假證明不少於三日；以及
4. 申請需要喺意外日期起計6個月內提出。
另一個問題係，喺取得「車手獎」之後，仲可唔可以向對方追討賠償呢？
答案係可以嘅。假如你所遇到嘅交通意外係因對方嘅疏忽所導致，你仍然可以循民事索償去追討合理賠償。
如果我拎咗「車手獎」會唔會影響我民事索償嘅賠償金額？
領取「車手獎」係唔會影響你民事索償嘅賠償金額。但係由於「車手獎」只係一筆俾傷者嘅應急錢，並唔係賠償嘅一部份。若果傷者喺民事索償中成功獲得賠償，傷者係需要直接從賠償金額扣除「車手獎」嘅金額交還社署。
如果想知道更多自己既權益同更多索償細節，歡迎聯絡我地以便提供更詳細既法律意見。
免費諮詢熱線☎️: 6821 1136
Comments