醫學專家證據係乜嘢？醫學專家證據有咩用？

喺進行審理人身傷害索償案件嘅時候，法庭很多時都需要醫學專家證據去評估意外對傷者造成嘅影響，從而協助法官評定傷者應得嘅賠償。

首先，想要援引醫學專家證據係需要事先取得法庭批准。一般而言，訴訟雙方會嘗試一同聘請一位相關專科嘅醫學專家，專家會喺同傷者會面評估之後，再撰寫一份醫療報告。但如果雙方無辦法就聘請邊一位醫學專家達成共識，就需要向法庭報告以及提交雙方各自擬聘請嘅醫學專家，再根據法庭嘅指示去決定延聘邊一位醫學專家。

如果意外只係涉及身體上嘅傷勢，一般會聘請骨科醫生為傷進行檢查，但如果傷者同時患有其他症狀，例如精神或腦部嘅損傷，就有可能需要援引其他專科專家嘅專家證據。

喺傷者接受專家檢查後，專家會係報告入面詳細列出傷者嘅背景資料、傷勢摘要、就傷勢已經接受嘅治療等。亦會喺報告中對意外同傷勢嘅因果關係、意外後嘅治療係咪合適以及傷者所獲批嘅病假長度係咪合適等等作出評估。

專家亦都會就傷者可唔可以返回以前嘅工作崗位、將來係咪需要繼續接受治療以及所需嘅合理醫療費用給予專業意見。

如果傷者本身有舊患(例如:意外受傷部位之前曾經受傷)，專家亦都會就舊患對傷勢嘅影響作出詳細分析。

專家報告是其中一項非常重要嘅證據，法官會喺判案嘅時參考報告內容，有需要嘅話更可能會邀請專家出庭給予進一步意見。訴訟雙方亦都可以喺審訊前根據報告內容去作出談判，嘗試和解案件。

如果想知道更多自己嘅權益同更多索償細節，歡迎聯絡我地以便提供更詳細嘅法律意見。

免費諮詢熱線☎️: 6821 1136

最新文章